2023 წლის 20 ივლისს აკადემია „გვირილასა“ და ასოციაცია „ლაზს“ შორის მეგობრული და კულტურული თანამშრომლობის საფუძველი ჩაეყარა. ღონისძიება გაიმართა საქართველოს საელჩოში საფრანგეთში და თბილისსა და პარიზს შორის კულტურული კავშირის სიმბოლოდ იქცა.
საღამოს ესწრებოდნენ საქართველოს ელჩი საფრანგეთში გოჩა ჯავახიშვილი, საელჩოს წარმომადგენლები, აკადემია „გვირილას“ წევრები, პედაგოგები, მომღერლები და მოწვეული სტუმრები.
ღონისძიების ფარგლებში გაიმართა გაცნობითი და შემოქმედებითი შეხვედრა, რომელიც მოგვიანებით ქართულ რესტორან Colchide-ში გაგრძელდა.
შეხვედრამ საფუძველი ჩაუყარა სამომავლო მეგობრულ და კულტურულ პროექტებს თბილისსა და პარიზს შორის.