2023 წლის 10–13 ნოემბერს ნიდერლანდების კუნძულ ტექსელზე გაიმართა პროექტი „ქართული დღეები კუნძულ ტექსელზე“, რომელიც ქართული კულტურის პოპულარიზაციასა და ქართველი ემიგრანტების გაერთიანებას ემსახურებოდა. პროექტი ორგანიზებული იყო თიკა სვანიძის ინიციატივითა და მხარდაჭერით.
ღონისძიებაში მონაწილეობა მიიღო ქართველთა კულტურის კერა „ლაზმა“ და მისმა ცეკვის ანსამბლმა, რომლებმაც საფრანგეთიდან წარადგინეს ქართული ქორეოგრაფიული პროგრამა.
პროექტის ფარგლებში სტუმრებს შესაძლებლობა ჰქონდათ გაცნობოდნენ ქართულ ფოლკლორს, ღვინოს, დამწერლობასა და კულტურულ მემკვიდრეობას. განსაკუთრებული პატივი მიეგო მეორე მსოფლიო ომში ტექსელზე დაღუპული ქართველი გმირების ხსოვნას.