2023 წლის 20 სექტემბერს ქართველთა კულტურის კერა „ლაზის“ ორგანიზებით, პარიზში გაიმართა ბათუმის თოჯინებისა და მოზარდ მაყურებელთა პროფესიული სახელმწიფო თეატრის სტუმრობა. თეატრმა მაყურებელს წარუდგინა ელენე მაცხონაშვილის საავტორო სპექტაკლი „საიდანაც მზე მოდიოდა“.
საღამო განსაკუთრებული ემოციებითა და თბილი ატმოსფეროთი წარიმართა და ემიგრაციაში მცხოვრები ქართველებისთვის მნიშვნელოვანი კულტურული შეხვედრა გახდა.
ღონისძიებას ესწრებოდნენ საქართველოს ელჩი საფრანგეთში გოჩა ჯავახიშვილი, საელჩოს წარმომადგენლები, „ლაზის“ ქართული სკოლის პედაგოგები და მოსწავლეები, ასევე პარიზის ქართული პანტომიმის თეატრის წარმომადგენლები.
„ლაზი“ განსაკუთრებულ მადლობას უხდის ბათუმის თოჯინებისა და მოზარდ მაყურებელთა სახელმწიფო თეატრს და ირაკლი კიკვაძეს ამ დასამახსოვრებელი კულტურული საღამოსთვის.
