10 თებერვალს ქართველთა კულტურის კერა „ლაზში“ გაიმართა კარნავალი სახელწოდებით „ლაზის ძველი და ახალი თაობის შეხვედრა“, რომელმაც ცენტრის სხვადასხვა თაობის მოსწავლეები, მასწავლებლები და მშობლები გააერთიანა.
1940-იანი წლების სტილში გამართული საღამო სავსე იყო ქართული მუსიკით, ცეკვითა და ემოციებით. ღონისძიება გაიხსნა ქართული ცეკვა „დაისით“, ხოლო საღამოს განმავლობაში გაიმართა სხვადასხვა გასართობი და შემეცნებითი აქტივობები, ძველი და ახალი თაობის მონაწილეების გაცნობა და ერთობლივი ზეიმი.
საღამომ კიდევ ერთხელ წარმოაჩინა „ლაზის“ მრავალწლიანი ისტორია, თაობებს შორის კავშირი და ქართული კულტურის მნიშვნელობა ემიგრაციაში მცხოვრები ახალგაზრდებისთვის.
