ქართველთა კულტურის კერა „ლაზის“ წარმომადგენლები მწერალთა სახლში განსაკუთრებული სითბოთი მიიღო ქეთი დუმბაძემ. შეხვედრის ფარგლებში მონაწილეებმა მოისმინეს საინტერესო ისტორიები ნოდარ დუმბაძისა და ქართველი მწერლების შესახებ, ასევე გაიგეს, რომ ფილმ „მონანიების“ ერთ-ერთი სცენა სწორედ ამ ეზოში იყო გადაღებული.
ვიზიტის დროს ქალბატონმა ქეთიმ ქართულ სკოლას საჩუქრად გადასცა წიგნები და მომავალში პარიზში, „ლაზის“ ქართულ სკოლაში სტუმრობის სურვილიც გამოთქვა.
„ლაზი“ გულითად მადლობას უხდის საქართველოს მწერალთა სახლს, ქალბატონ ქეთი დუმბაძესა და მის კოლეგებს საინტერესო საგანმანათლებლო და კულტურული შეხვედრისთვის.
