გამოფენა « Les Femmes d’Ailleurs » გაიმართა საქართველოს საელჩოს ორგანიზებით, Editions Meduza-სა და Prosvita-სთან თანამშრომლობით. პროექტმა გააერთიანა სხვადასხვა ქვეყნის ხელოვანები და ახალგაზრდები, რითაც კიდევ ერთხელ გაესვა ხაზი თუ რაოდენ მნიშვნელოვანია ადამიანების კულტურითა და ხელოვნების საშუალებით დაახლოვება.
გამოფენაში მონაწილეობდნენ მხატვრები Alona Kutsenko, Nataliia Ovcharenko, Maryna Vozniuk, Mariia Pinchuk, Nadiia Balaba და Olena Kalamurza, ასევე ქუთაისის ახალგაზრდული ცენტრის ბავშვები, ქართული ცეკვის სტუდიები „კოლხიდა“ და „ივერია“.
განსაკუთრებული მადლობა საქართველოს საელჩოს საფრანგეთში, ასევე ეკატერინე კოკაიას და თეა ქარჩავას, რომლებმაც „ლაზის“ პატარა წევრებს მისცეს შესაძლებლობა საქართველოს დამოუკიდებლობის დღე განსაკუთრებულ გარემოში აღენიშნათ და საზეიმოდ შეესრულებინათ საქართველოს ჰიმნი.
ღონისძიებამ კიდევ ერთხელ წარმოაჩინა ქართული კულტურისა და ახალგაზრდა თაობის ჩართულობის მნიშვნელობა საერთაშორისო კულტურულ სივრცეში.
