„ლაზს“ სიმღერა NINAO-ს კლიპის ფარგლებში განსაკუთრებული აღიარება მიენიჭა.
მომღერალ Gims-ის ტექნიკურმა ჯგუფმა, რესტორან Colchide-ში გამართულ შეხვედრაზე, ორგანიზაციას ბრილიანტის დისკი გადასცა. დისკზე დატანილია ქართველთა კულტურის კერა „ლაზის“ სახელწოდება, რაც ამ მნიშვნელოვანი თანამშრომლობის სიმბოლურ აღიარებას წარმოადგენს.
განსაკუთრებულ მადლობას ვუხდით საქართველოს საელჩოს ოფიციალურ წარმომადგენელს თეა ქარჩავას, რომელიც ესწრებოდა აღნიშნულ ღონისძიებას და მუდმივად მხარს უჭერს ასოციაციის საქმიანობასა და საერთაშორისო თანამშრომლობებს.
ასევე ვულოცავთ „ლაზის“ მთელ შემადგენლობას, განსაკუთრებით კი ანსამბლის მოცეკვავეებსა და მათ ხელმძღვანელს, ბექა ნონიაშვილს.
ეს აღიარება კიდევ ერთხელ უსვამს ხაზს ქართული კულტურის პოპულარიზაციის მნიშვნელობას საერთაშორისო სივრცეში.
