2025 წლის 20 თებერვალს Gims-მა გამოუშვა სიმღერა NINAO, რომლის ოფიციალური კლიპიც 2025 წლის 5 მარტს გამოქვეყნდა. სიმღერა დაფუძნებულია ქართულ ფოლკლორულ მოტივზე „განდაგანაზე“ და მალევე იქცა საერთაშორისო მუსიკალურ ჰიტად. 

კლიპში მონაწილეობდნენ ქართველთა კულტურის კერა „ლაზის“ მოცეკვავეები, რომლებმაც ქართული ტრადიციული ცეკვები შეასრულეს და წარმოაჩინეს ქართული კულტურის ელემენტები საერთაშორისო მუსიკალურ სივრცეში. ვიდეოში გამოყენებული ქორეოგრაფია და ეროვნული კოსტიუმები განსაკუთრებულ ყურადღებას ამახვილებდა ქართულ კულტურულ მემკვიდრეობაზე. 

აღნიშნული პროექტი „ლაზისთვის“ მნიშვნელოვანი საერთაშორისო თანამშრომლობა გახდა და კიდევ ერთხელ გაუსვა ხაზი ქართული ცეკვისა და კულტურის პოპულარიზაციის მნიშვნელობას ფართო საერთაშორისო აუდიტორიის წინაშე.