2022 წლის 10 სექტემბერს პარიზის მე-18 უბნის მერიისა და ასოციაციების სახლის ორგანიზებით გაიმართა ასოციაციების ფორუმი, რომელიც სხვადასხვა კულტურულ და სპორტულ აქტივობებზე რეგისტრაციის ტრადიციულ დღედაც ითვლება.
ქართველთა კულტურის კერა „ლაზი“ ფორუმზე საკუთარი საინფორმაციო სტენდით იყო წარმოდგენილი. ღონისძიების ფარგლებში „ლაზის“ მოცეკვავეებმა ქართული ცეკვები შეასრულეს და მაყურებელს ქართული კულტურის მრავალფეროვნება გააცნეს.
