21–22 ოქტომბერს პარიზში, საქართველოს საელჩოში, გაიმართა ტრენინგები ემიგრაციული სკოლების მასწავლებლებისთვის, რომლებიც ძირითადად უცხოეთში არსებული ქართული სკოლებისთვის ახალი სახელმძღვანელოების შექმნასა და სასწავლო პროცესის განვითარებას დაეთმო.
პროექტის ფარგლებში ქართველთა კულტურის კერა „ლაზს“ ჰქონდა შესაძლებლობა შეხვედროდა საქართველოდან მოწვეულ სპეციალისტებს და წარედგინა სასწავლო პროცესი ექვთიმე თაყაიშვილის სახელობის ქართულ სკოლაში.
ტრენინგებში მონაწილეობდნენ საქართველოს საგარეო საქმეთა სამინისტროს წარმომადგენლები, ქართული ენის პედაგოგები და მასწავლებელთა პროფესიული განვითარების სფეროს სპეციალისტები.
„ლაზი“ მადლობას უხდის ყველა იმ ადამიანს და ორგანიზაციას, რომლებიც ემიგრაციაში მცხოვრები ქართველი ბავშვების განათლებასა და ქართული ენის შენარჩუნებაზე ზრუნავენ.