2021 წლის 9 ოქტომბერს ქართველთა კულტურის კერა „ლაზი“ მონაწილეობდა მონმარტრის ტრადიციულ დიდ აღლუმში, რომელიც უკვე 87 წელია პარიზის ქუჩებში იმართება და სხვადასხვა ქვეყნის კულტურულ ჯგუფებსა და საძმოებს აერთიანებს.
ფესტივალი ტრადიციისა და თანამედროვე კულტურული წარმოდგენების შერწყმით გამოირჩევა და მონმარტრის რთველის დღესასწაულის ერთ-ერთ ყველაზე სანახაობრივ ნაწილს წარმოადგენს.
„ლაზის“ წარმომადგენლებმა ქართული ეროვნული სამოსითა და კულტურული პროგრამით კიდევ ერთხელ წარმოაჩინეს ქართული ტრადიციები პარიზის საერთაშორისო კულტურულ სივრცეში.
