ამა წლის 13 ოქტომბერს ქართველთა კულტურის კერა „ლაზი“ ტრადიციულად მონაწილეობდა მონმარტრის რთველის დღესასწაულში Montmartre Vineyards.
დაახლოებით 40 ქართველი, ქართულ ეროვნულ სამოსში გამოწყობილი, მონაწილეობდა საზეიმო მსვლელობაში, რომელიც ვენახებიდან დაიწყო და მაყურებელს ქართული ცეკვებითა და ტრადიციული ჩაცმულობით განსაკუთრებული შთაბეჭდილება მოახდინა.
„ლაზი“ უკვე მეცხრე წელია წარმოადგენს საქართველოს ამ მნიშვნელოვან პარიზულ დღესასწაულზე, როგორც ღვინის კულტურის მქონე ქვეყანას.
განსაკუთრებული მადლობა პარიზის მე-18 უბნის მერიას მხარდაჭერისა და ამ ღონისძიებაში მონაწილეობის მაღალი შეფასებისთვის.