2025 წლის 24 მარტს ანსამბლი „ლაზი“ მონაწილეობდა საერთაშორისო ფესტივალ Paris Triumph-ში, რომელიც სხვადასხვა ქვეყნის ახალგაზრდა ტალანტებსა და ანსამბლებს აერთიანებს ცეკვისა და მუსიკის გარშემო. ფესტივალი კულტურული მრავალფეროვნებისა და შემოქმედებითი გაცვლის მნიშვნელოვანი სივრცეა.
ფესტივალზე „ლაზმა“ მოიპოვა გრანპრი და ორი პირველი ადგილი სხვადასხვა ნომინაციაში, რაც კიდევ ერთი მნიშვნელოვანი წარმატებაა ცენტრისთვის.
განსაკუთრებულ მადლობას ვუხდით რომა დუგლაძეს მოწვევისა და მხარდაჭერისთვის.
ვულოცავთ „ლაზის“ მოცეკვავეებსა და ქორეოგრაფს ბექა ნონიაშვილს ამ მნიშვნელოვან წარმატებას.
ასევე მადლობას ვუხდით „ლაზის“ მთელ გუნდს შრომისთვისა და ერთგულებისთვის.
