2023 წლის 13 მაისს, პარიზის რეგიონში, ქალაქ კოლომბის დიდ საკონცერტო დარბაზში, ქართველთა კულტურის კერა „ლაზის“ ცეკვის ანსამბლი მონაწილეობდა საერთაშორისო გალა-ფესტივალში Festival des Cultures et des Langues.
ფესტივალი ყოველწლიურად აერთიანებს სხვადასხვა ქვეყნის კულტურულ ჯგუფებსა და შემსრულებლებს, ხოლო „ლაზი“ უკვე მრავალი წელია მისი უცვლელი მონაწილეა.
ქართული ანსამბლის მონაწილეობამ კიდევ ერთხელ წარმოაჩინა ქართული ცეკვისა და კულტურის მნიშვნელობა საერთაშორისო მრავალკულტურულ სივრცეში.
„ლაზი“ განსაკუთრებულ მადლობას უხდის ფესტივალის ორგანიზატორებს და Fatma Cetin Kahriman-ს მოწვევისა და მრავალწლიანი თანამშრომლობისთვის.
