პარიზში, ქართველთა კულტურის კერა „ლაზის“ ორგანიზებით გაიმართა დედაენის დღისადმი მიძღვნილი კულტურული ღონისძიება, რომლის მიზანი იყო ქართული კულტურის, ხელოვნებისა და თანამედროვე დიზაინის პოპულარიზაცია.
ღონისძიებაში მონაწილეობა მიიღო მეწარმე ქალთა ასოციაცია „ავე“-მ, საქართველოს კულტურის სამინისტროს პროექტის ფარგლებში. მოეწყო ქართველი დიზაინერებისა და მეწარმეების ნამუშევრების გამოფენა-გაყიდვა, სადაც წარმოდგენილი იყო სხვადასხვა ხელნაკეთი და დიზაინერული პროდუქცია.
ღონისძიებას ესწრებოდნენ საქართველოს საელჩოს წარმომადგენლები, ოფიციალური სტუმრები და ქართველი ემიგრანტები საფრანგეთში.
„ლაზი“ მადლობას უხდის საქართველოს კულტურის სამინისტროს, საქართველოს საელჩოს საფრანგეთში, მონაწილე დიზაინერებსა და მხარდამჭერებს ღონისძიების წარმატებით განხორციელებისთვის.
