ქართველთა კულტურის კერა „ლაზმა“, თავის აღსაზრდელებთან ერთად, ტრადიციულად აღნიშნა დედაენის დღე. ღონისძიება მრავალფეროვანი კულტურული პროგრამით წარიმართა და განსაკუთრებული ემოციებით დაამახსოვრდა როგორც მონაწილეებს, ისე მაყურებელს.
საღამო მომზადდა ქორეოგრაფების ლალი ჯაშიაშვილის და ირაკლი ობოლაძის, მუსიკის ხელმძღვანელის ალექსი ჭაუჭიძის, ქართული სკოლის ხელმძღვანელის ნანა ფალავანდიშვილის და ორგანიზატორების ნანა კაპანაძის, ცირა ქირიას, სალომე კალანდიას, გიორგი დალაქიშვილის და ეკა ბოდოკიას მიერ.
ღონისძიების განსაკუთრებული სტუმარი იყო შტუტგარტის ქართული ცეკვის ანსამბლი „კოლხეთი“, რომლის ხელმძღვანელები არიან ანა ნანუაშვილი და ბესო ნამჩევაძე.
დედაენის დღის აღსანიშნავ ღონისძიებას ასევე ესწრებოდნენ საქართველოს ელჩი საფრანგეთში გოჩა ჯავაჯიშვილი და ქართველი მწერალი დათო ტურაშვილი.